Yangiliklar

18.04.2026

Bekobodlik yoshlar huzurida

Yurtimizda yoshlarni qo‘llab-quvvatlash, ularning kasb egallashi va o‘z iqtidorini namoyon etishlari uchun keng imkoniyatlar yaratilmoqda. 

Ayrim yoshlarimizga esa bu borada alohida eʼtibor va qo‘llab-quvvatlash zarur. Shu yo‘nalishda ish olib borish maqsadida "O‘ztransgaz" AJga Bekobod tumanidagi “Farhod” va “Birdamlik” mahallalarida istiqomat qiluvchi 40 nafar yosh biriktirilgan. Jamiyat masʼullari shu mahallalardagi yoshlar bilan yana bir bor uchrashishdi. 

Suhbat davomida yoshlarning fikr-mulohazalari va mavjud muammolari tinglandi. Yoshlarni kasb-hunarga yo‘naltirish va bandligini taʼminlash yuzasidan avvalgi uchrashuvlardagi suhbatlar davomida aniqlangan 2 nafar uy bekasiga tikuv mashinasi berildi. Ikki yosh onaning bandligi ta'minlandi.