Ekologik mas’uliyat amaliy ishlardan boshlanadi

2026-yil 26-may kuni “O‘ztransgaz” AJ xodimlari Toshkent viloyatining Bo‘stonliq tumanida tashkil etilgan ekologik tadbirda ishtirok etdilar. Tadbir ESG tamoyillarini amaliyotga joriy etish hamda ekologik madaniyatni yuksaltirish maqsadida tashkil etildi.
Tadbir davomida hududni maishiy chiqindilardan tozalash bo‘yicha ekologik aksiya o‘tkazildi. Shuningdek, tabiiy resurslardan oqilona foydalanish, atrof-muhitni muhofaza qilish va ekologik mas’uliyatli xulq-atvorni shakllantirish masalalari yuzasidan fikr almashildi.
“O‘ztransgaz” AJ uchun ekologik mas’uliyat barqaror rivojlanishning ajralmas qismi hisoblanadi. Jamiyat tomonidan atrof-muhitga ta’sirni kamaytirish, tabiiy resurslardan samarali foydalanish hamda xodimlar o‘rtasida ekologik madaniyatni rivojlantirishga qaratilgan ESG tamoyillari izchil joriy etib kelinmoqda.
Mazkur tadbir barqaror rivojlanish maqsadlariga erishish yo‘lida navbatdagi amaliy qadam bo‘lib, Jamiyatning atrof-muhitni muhofaza qilish va ekologik mas’uliyat tamoyillariga sodiqligini yana bir bor namoyon etdi.
♻️ Tabiatni bugun asrash — kelajak avlodlar uchun barqaror va farovon kelajak yaratish demakdir.

#Oztransgaz #ESG #BarqarorRivojlanish #Ekologiya #AtrofMuhitniMuhofazaQilish #YashilKelajak