G‘ijduvon tumanida tashkil etilgan ishchi guruhlari ko‘chama-ko‘cha piyoda yurib o‘rganishlarni olib bormoqda.

Joriy yilning 29-iyul kuni “O‘ztransgaz” AJ boshqaruvi raisi v.b. A.Isakov boshchiligida G‘ijduvon tumani hokimligi, tuman prokuraturasi, tuman ichki ishlar boshqarmasi, G‘ijduvon tuman Davlat Soliq inspeksiyasi, “O‘zenergoinspeksiya” Buxoro viloyati boshqarmasi, elektr va gaz ta’minoti korxonalari mas’ul xodimlaridan iborat 7 ta ishchi guruhi tuzilib, tumandagi jami 70 ta mahallalarni MFY raislari bilan birga ko‘chama-ko‘cha piyoda yurib o‘rganish ishlari olib borilmoqda. Hozirda ishchi guruh tomonidan 17 ta (24%) mahallada energo samaradorlik va kuz-qish mavsumiga tayyorgarlik holati o‘rganildi.



Ishchi guruhlari tomonidan o‘rganish ishlari davom etmoqda.