Samarqand magistral gaz quvurlari boshqarmasida fuqarolar qabuli: navbatdagi murojaat nazoratga olindi.

“O‘ztransgaz” AJ tizimida aholi bilan ochiq muloqotni yo‘lga qo‘yish, fuqarolarning muammo va takliflarini tinglash hamda ularga huquqiy va amaliy yechim topish maqsadidagi shaxsiy qabullar hududlarda ham izchil davom ettirilmoqda.
Xususan, joriy yilning 3-avgust kuni Samarqand magistral gaz quvurlari boshqarmasi boshlig‘i U.A.Turapov tomonidan fuqarolarning navbatdagi shaxsiy qabuli o‘tkazildi. Qabul jarayonida Samarqand viloyati, Toyloq tumani, “Ukrach” MFY, Ukrach qishlog‘ida istiqomat qiluvchi, 1999-yilda tug‘ilgan, ma’lumoti tugallanmagan oliy hamda hozirda vaqtincha ishsiz bo‘lgan fuqaro Mamadiyarov Suxrob Ravshan o‘g‘lining bandlik masalasidagi murojaati atroflicha ko‘rib chiqildi.
Fuqaro S.R.Mamadiyarovning mutaxassislik yo‘nalishi va boshqarmadagi mavjud bo‘sh (vakant) ish o‘rinlari imkoniyatlaridan kelib chiqqan holda, uni ish bilan ta’minlash masalasi qonunchilikda belgilangan tartibda alohida nazoratga olindi.
“O‘ztransgaz” AJ tizimida inson qadrini ulug‘lash va aholi bandligini ta’minlashga ko‘maklashish borasidagi bu kabi amaliy qabullar barcha hududiy boshqarmalarda tizimli ravishda davom etmoqda.