Oʻzbekiston Respublikasi Prezidenti huzuridagi Davlat siyosati va boshqaruvi akademiyasida energetika sohasi xodimlari uchun maxsus oʻquv kursi tashkil etildi.

Mashgʻulotlar davomida fuqarolar murojaatlarini chuqur tahlil qilish, mavjud muammolarga manzilli yechim topish, aholi bilan ochiq va samarali muloqot olib borish hamda masʻuliyatli qarorlar qabul qilish boʻyicha zarur bilim va koʻnikmalar mustahkamlandi.

Shuningdek, qonuniylikni taʻminlash, manfaatlar toʻqnashuvi va korrupsiyaviy xavflarning oldini olish masalalari ham atroflicha muhokama qilindi.